Tímar breytinga

Sælir góðir gestir (ef einhverjir nenna ennþá að fara inn á þetta stopula blogg).

Síðasti mánuður hefur verið nokkuð erilsamur í einkalífi sem og starfi. Við Hafdís fluttum í nýja íbúð að Engjadal 4  í Reykjanesbæ (n.t.t. í Innri-Njarðvík) fyrir ca. mánuði, brunumðum svo austur í fjörðinn fagra kenndan við Stöð um þarsíðustu helgi og fengum Agnesi mína í heimsókn um þá síðustu en hún dvaldi hjá okkur frá miðvikudegi fram á laugardagskvöld.

Við hjónin höfum bæði verið á milli vita með atvinnu en þau mál eru nú að skýrast, ég byrjaður á nýjum stað hjá tölvufyrirtæki sem heitir DaCoda en Hafdís fer á samning um mánaðarmót hjá snyrtistofunni Dekrinu í Keflavík. Svo hefur verið nóg að gera hjá mínum í að skemmta þeim félögum skrattanum og guði, þ.e. að spila fyrir fyrir drukkið og dansandi fólk annars vegar og syngja í kirkjukórnum hins vegar. Að auki er maðurinn alltaf að fikra sig á nýjar lendur í gítarkennslu og er markið sett hátt á þeim grundvelli í náinni framtíð.

Ég ætlaði nú aldrei að vera með svona dagbókarblogg en þegar maður er ekki að sinna þessu nema rétt einu sinni í mánuði er kjörið að sýna gestum (ef einhverjir eru) að maður er ekki alveg liðinn undir lok (og ástæða fyrir færsluleysi í bloggheimum).

Hef þetta ekki lengra í bili. Blessi ykkur allt sem gott er!

Sóli

 

Athugasemdir

[Sjonni (IP-tala skráð) 14.11.2007 kl. 13:38]

Já,gaman að þessu.Hafðu það sem best,sjáumst í byrjun Des.

[Sigríður Gunnarsdóttir, 14.11.2007 kl. 21:36]

Til hamingju með nýtt heimili og nýja vinnu. Gleður mig að heyra að þú syngir í kirkjukór. Prik fyrir það;-)

[Fjóla Þorsteins (IP-tala skráð) 15.11.2007 kl. 14:32]

Vá gaman að lesa bloggið þitt.  Gangi þér vel í nýju vinnunni.

[Sólrún (IP-tala skráð) 19.11.2007 kl. 09:03]

Kæri bróðir! Til lukku með hvort tveggja, nýtt heimili og nýja vinnu. Ég stefni að því að kíkja í kaffi við tækifæri. Ástarkv. til ykkar hjóna.

[Þóra Bj (IP-tala skráð) 27.11.2007 kl. 23:30]

Til hamingju með nýja heimilið, ég fór að velta fyrir mér heimilisfanginu, og kannaðist bara ekki við neitt. Þar til ég las lengra, s.s. í nýja hverfinu.

En gangi þér vel og bestu kveðjur,